ژیرئاوکەفتن دوو کەشتی نزیک تەنگەی هورمز

شەفەق نیوز - وەدویاچگن

سەرچەوەیل لە کەرت ئەمنی دەریایی، ئمڕوو چوارشەممە، خەوەر دان وە ژیرئاوکەفتن کەشتی کۆنتێنەرەیل نزیک تەنگەی هورمز دویای ئەوەی وە مووشەک کریانە ئامانج، هەمیش  راگەیانن  کەشتییگ تر  بارکردن کاڵای هشک وەپی بوی نقوم بوی زەرەد رەسین وەپی لە گوزەشتە.

 سەرچەوەگە دیار کردن  کەشتی "جی. ئێف. ئێس براید" کە پەرچەم سینگافورە هەڵگردۊد نوقوم بویە، وەپای ئاژانس "رۆیتەرز".

نوسینگەی هایدرۆگرافی لە پاکستان لە هووشداریدا   کەشتییەیل ئمڕوو و راگەیان: " کەشتی جی. ئێف. ئێس براید ژیرئاوکەفتیە  و کۆنتێنەریگ هەس کە وەبان ئاو کەفتنە و رێنمایی دەریایی دریارە دەریاوانەیل کە ئاگاداربوون.

هێمان نەتوەنریاس  پەیوەنی وە کۆمپانیای وەڕێوەبەر کەشتی "جی. ئێف. ئێس شەیپ مانجمێنت ئێف. زێد. ئەی" بکەێد  کە بنکەی لە ئێمارەتە،  ئەرا وەرگردن لێدوان.

زانیارییەیل رێکخریاگ دەریایی ناودەوڵەتی سەر وە نەتەوە یەکگرتگەیل دەرخس  "جی. ئێف. ئێس براید" دویەم کەشتییە کە ژیرئاوکەفێد لە سەرەتای جەنگ ئەمریکا لەبان ئیران لە 28 شوبات/ فێبرایەر گوزەشتە تا ئیسە.

لە رویداویگ جیاواز، سەرچەوەیل خەوەر دان لە وەرگردن هووشدارییەیل کە کەشتییگ تر،  کەشتی "کەیپ داو"ە و پەرچەم ئەنتیکوا و بربودا هەڵگردوێد، نزیک تەنگەگە ژیرئاو کەفت، ئەوەیش دویای رویوەرویبوین وە مووشەکیگ لە 23 ئەیلوول/ سێپتەمبەر گوزەشتە.

هێمان نەتوەنریاس  پەیوەنی وە کۆمپانیا وەڕێوەبەر ئێ کەشتییەیش، کە بنکەی لە ئێمارەتە بکریەد ئەرا وەرگردن لێدوان.