رێككه‌فتن ناونى ئه‌مريكا و توركيا تويڕه‌ى ته‌هران كردگه
شه‌فه‌ق نيوز/ وه‌زاره‌ت خارجيه‌ى ئيرانى، وه تونى ره‌خنه له ريككه‌فتن ناونى ئه‌مريكاو توركيا گرت له‌بان ئعلانكردن دامه‌زرانن " ناوچه‌ى ئارام " له باكوور خوه‌رهه‌ڵات سوريا و له هه‌مان وه‌خت ئه‌و ريككه‌فتنه وه ئستفزازێ و نگه‌رانى تاريف كرد.
له‌و باوه‌ته‌و، عه‌باس موسه‌وى قسه‌كه‌ر وه‌ناو خارجيه‌ى ئيرانى، نگه‌رانى ته‌هران ده‌رخست وه‌رانوه‌ر لێدوانه‌يليگ له زووان وه‌رپرسه‌يل ئه‌مريكى له‌ى دوياخره له‌باره‌ى ناوچه‌ى ئارام له باكوور سورياو وشدارييش دا له‌وه‌گ ئى گامه نه‌ك هه‌ر ده‌خاڵه‌ت له كاروبار سوريا وه ته‌نيا، به‌ڵكوو زه‌ره‌د وه ئارامى ناوچه‌گه‌يش ره‌سنێد.
ئه‌و دبلۆماتكار ئيرانيه جه‌ختيش له‌وه كرد ك ره‌فتار ئه‌مريكيه‌يل له باكوور خوه‌رهه‌ڵات سوريا پاشيلكردنيگ ئاشكراس له سه‌روه‌رى ياسا و يه‌كگرتگى خاكه‌يل وڵاته‌گه‌و يه‌يش چه‌واشه‌ى ياسايه‌يل ناوده‌وڵه‌تى و په‌يماننامه‌ێ نه‌ته‌وه‌يل يه‌كگرتگه.
