رووژنامەنویسیگ کورد دویای شەش ساڵ زیندانیكران لە تورکیا ئازاد کریا
شەفەق نیوز/ لە مەوقەی جیوەجیکردن یاسای قەیەغەکردن هامشوو لە هەكاری كوردستان تورکیا، هیزەیل ئاسایشی هەكاری، وە توومەت لایەنگری پەكەكە، نەدیم تورفەند، رووژنامەنویس لە ئاژانس (دیجلە خەبەر) دەسگیر کردن، باوجی دویای شەش ساڵ لە زیندان، ئازاد کریا.
نەدیم، لە 13/5/2016، وە توومەت لایەنگری پەكەكە ک گوایە وە ژیروەژیر کار ئەرا پەكەكە کردیە، لەلایەن ئاسایشە دەسگیر کریا، پاشان بە بڕیاری دادوەر بۆ ماوەی هەشت ساڵ و نۆ مانگ زیندانی سزا درا.
دەسگیرکردن نەدیم لە توركیا و دەیشت توركیا دەنگدانەوەی درویگ بوی، ئەراوە ریخریاگە ناودەوڵەتیەیل ماف مرۆڤ زوور فرەیگ هاوردنە مل توركیا.
دویای شەش ساڵ لە زیندان، قە بڕیار دادوەر، نەدیم ئازاد کریا، باوجی ئەرا زیندانی ماڵە، ک نیەتوەنێد لە شارەگەی خوەی زیاتر ئەرابۆ هویچ شوینیگ تر بچوود.
لە یەكەم دانیشتن دادگایی لە 2016، نەدیم لە وەردەم دادوەر وت: ''ئەشكەنجەی فرەیگ دریامە"، تەنانەت ئەو کەسەیلە شایەتی وەبان نەدیمەوە دانە، بە هەمان شیوە ئەشكەنجە دریاوێن، باوجی دادوەر گووش لەلی نەگرد و سزای هەشت ساڵ و نۆ مانگ زیندانی لەبانی چەسپان.
