رووژە گەرمەیل هەڕەشەی ٣٠٠ ملیۆن کەس دەێد

اودەوڵەتی ئەرا ژینگە و گەشەپیدان، ئمڕوو جمعە، رەسیە ئەو ئەنجامە کە لە ماوەی سێ دەیەی گوزەشتە شمارەی ئەو رووژەیلە پلەی گەرمی لە ٣٥ پلەی سەدی رەد کردگە لە ٢٠ پایتەختی

 گەورەی جەهان وە ریژەی ٥٢% زیای کردگە.

وەگورەی ئامارەیل پەیمانگاگە، نزیکەی 300 ملیۆن کەس لە بیس پایتەخت پڕ لە مەردم جەهان ژیەن، وە تایبەتیش کەفنە وەر رخ بەرزەوبوین پلەی گەرمی کە لە ئەنجام ئاڵشتبوین کەشوهەوا دروس بوود، ەە مدووەیلیگ جویر قیر و باڵەخانەیل کە گەرمی هەڵمژن و گیری تیەرن، وەگورەی ئاژانس ڕۆیتەرز.

بەشیگ لە پایتەختەیل جزیر نیودەلهی، داکا و مانیلا، ئمساڵ شەپوول گەرمی رخبەریگ وەخوەیان دین، کە لەوەر گەرمی مردن و بەسیان مەکتەوەیل لەلی بویەو.

 داتایل وێستگەی کەشناسی دەرخستنە کە نیودەلهی درویژترین و خەسترین شەپوول گەرمی لە ماوەی ٧٤ ساڵ توومار کرد، کە ٣٩ رووژ لەبانیەک بەرزترین پلەی گەرمی ٤٠ پلەی سەدی یا زیاتر لە ماوەی ١٤ی ئایار تا ٢١ حوزەیران.

ئیرنگە، دامەزراو ناودەوڵەتی ژینگە و گەشەپیدان کە بنکەگەی لە لەندەنە، شیکارییگ ئەنجامداس کە رخ زیایبوین شەپوول گەرمی فبە لە بەشیگ لە ناوچە شارییە گەورەیل جەهان نشان دەێد.

 وەگورەی ئەو زانیاریەیلە کە توێژەرەیل لە وێستگەیب کەشوهەوای فڕۆکەخانەیل ئەرا پلەی گەرمی روی زەوی گردەو کردنە، ئەرایان دەرکەفت کە لە ساڵ ٢٠١٤ تا ٢٠٢٣، نزیکەی ٦٥٠٠ رووژ بویە کە پلەی گەرمی لە یەکیک لە ٢٠ پایتەخت رەسیەسە ٣٥ پلەی سەدی یا زیاتر.

لە ماوەی ساڵ ١٩٩٤ تا ٢٠٠٣ شمارەگە تەنیا ٤٧٥٥ بویە.

تاکەر لاندسمان، توێژەر لە پەیمانگای ناودەوڵەتی ژینگە و گەشەپیدان وت: زانیمن هەسکردن وە پلەی گەرمی فرە لە ناوچە تا ناوچە جیاوازە، ئەو ناوچەیلە کە تویش گەرمی فرە بوون فرەجار هەمیشە گەڕەک نیشتەجیبوینن یا ناوچەیل پیشەسازیە، یەیش بانوخوار کەێد وەگورەی کۆمەڵایەتی و دیزاین بینا و ژیرخانی.”

جاکارتای پایتەخت ئەندەنوسیا بەرزترین بەرزەوبوین شمارەی ئەو رووژەیلە وەخوەی دی کە پلەی گەرما لە 35 پلەی سەدی رەد کردگە، لە 28 رووژ لە ناوەین ساڵەیل 1994 تا 2003 ئەرا 167 رووژ لە ماوەی دەیەی گوزەشتە.

 لە سۆل لە نۆ رووژ تا ٥٨ رووژ زیای کردگە، لە بوینس ئایرێس لە هەفت رووژ تا ٣٥ رووژ زیای کردگە.