رووسیا ٥٠ هەزار تاقەبەش لە واکسین کۆڕۆنا ئەرا بەڕازیل هەناردەکەێد
![رووسیا ٥٠ هەزار تاقەبەش لە واکسین کۆڕۆنا ئەرا بەڕازیل هەناردەکەێد](https://media.shafaq.com/media/arcella/1599836627192.jpg)
شەفەق نیوز/ سەندووق وەبەرهەمهاوردن راستەخۆی رووسیا، و ئەمینداریەتی تەندروسی لە وەلایەت باهیای بەڕازیل، واژوو کردن لەبان رێککەفتنیگ هاوکاری لە هەناردەکردن ٥٠ مەلیۆن تاقەبەش لە واکسین Sputnik V رووسی ئەرا بەڕازیل.
بەیاننامەی سەندووق رووسی وت: پێشبینە ک هەناردەی واکسینەگە ئەرا بەڕازیل، لە تەشرین دوویەم ٢٠٢٠ دەسبکەێدەپی، وئەویش ئەگەر مووڵەت دەزگا پەیوەندیدارەگان لە حکومەت بەڕازیل وەرگریا، ک ئەویش نووڕێدە ئەنجامەیل توێژینەوەگان واکسینەگە دویای تۆمارکردنی.
سەندووقەگە ئاماژەکرد ک رێککەفتنەگە ری دەێدە هەناردەی واکسینە رووسیەگە ودابەشکردنی لە گشت شوونەیل بەڕازیل لە ئایندە.