رووسێا نوقڵانەی پەلامارداین مانگەیل دەسکرت ئەمریکا دەێد

شەفەق نیوز/ قوستەنتین فورونتسۆف جیگر وەڕیەوبەر کاروبار کەمەوکردن چەک و قەیەغەی بڵاوبوین ئەتۆمی لە دەرەوەی رووسیا راگەیان ک هاتێ مانگە دەسکرتەیل ئەمریکا بوونە ئامانجیگ ک پەلاماریان بیریەێد ئەگەر لە جەنگ ئۆکرانیا وەکار هاوریان.

فورونتسۆف لەناو گردەوبوین دەسەی یەکەم کۆمەڵەی گشتی نەتەوە یەکگرتگەیل وت: خوازیمن زوور وەبان کاریگ فرە رخبەر باریمن ک لە رویداوەیل ئۆکرانیا وئاشکرا دیار دا، ئیمە باس وەکارهاوردن چشتەیل ئاسمانی وەلایەن ئەمریکا و هاوپەیمانەیلی لە جەنگ کەیمن.

وتیش: هاتێ چشتەێل نیمچە مەدەنی ئاسمانی بوونە ئامانج پەلاماریگ، و لە ئەنجام کردەوەیل خوەرئاوا، چالاکیەیل ئاسمانی ئاشتەوایی و کارەیل کۆمەڵایەتی و ئابووری لە جەهان، ک خوەشگوزرەانی مەردم لە وڵاتەیل ئەوزەڵکردگ هابانیان، کەفنە وەر مەترسی بی دەسپیچگ.