رووسیا جموجویل سوید لە باڵتیک وە چالاکی چزدەر زانێد
سەرچەوەیگ لە وەزارەتەگە وت: “لایەن ڕووسی چەن گلەیگ هووشداری داگە لەو مەترسیەیلە کە لە ئەنجام وەکارهاوردن خاک وڵاتەیل ئەندام نوو لە باکوور ئەوروپا لەلایەن ناتۆ ئەرا کاروبار سەربازی”.
دیپلۆماتکارە رووسەگە وتیش؛ “ناتۆ تەقەلا دەێد توانای سەربازی خوەی لە ناوچەی باڵتیک زیای بکەێد”، وتیش: “لەی چوارچیوە ستۆکهۆڵم وەنیازە دوورگەی گۆتلاند “لەڕوی ستراتیژییەو گرنگ” قایم بکەێد، ئەرا خاسترکردن وەرگری لە دژی هەڕەشەی "خەیاڵی “ ڕووسی."
ئەو سەرچەوە زوور لەوە کرد کە ستۆکهۆڵم لە ساڵ ٢٠١٥ بویین سەربازی خوەی لە گۆتلاند گلەو دا، لە مانگ نیسان ساڵ گوزەشتە، وەرجە ئەوەگ پەیوەندی وە ناتۆ بکەێد، لە وەختیگ هیزەیل سوید مەشق و ڕاهێنانیان کردیان ئەرا "نواگیریکردن پەلاماریگ چەکداری" لە مەوقەی مەشقەیلی ئەو دوورگە.
سەرچەوەگە باس ئەوەیش کرد کە “وە ئامانج نواگیریکردن هەڕەشەیل وە ئاڕاستەی باکوور، ناوچەی سەربازی لینینگراد دامەزریاس، بڕیاریگ ترەک دریەێد ئەرا دڵنیابوین لە ئاسایش رووسیا وەگورەی پیشهاتەیل ناوچەگە.”
لە 11ی ئازار پەرچەم سوید لە بارەگایل ناتۆ هەڵدریا، کە وە فەرمی ستۆکهۆڵم جویر ئەندام سی و دویەم هاوپەیمانییەگە دەسنیشان کریا.
