روسیا مەرج نوو ئەرا وەناوچگن بیانیەیل دیاریکەێد
شەفەق نیوز/ وەزارەت ناوخوەی روسیا، لەو مادەیلە بڵاویکردیە مەرجەیل ناچاریە ئەرا هاوڵاتیەیل بیانی کە هەوەجە کەێد پابەن بوون وەپی تا بانە ناو خاک روسیا.
وەپای تەمێیەیل، هەوەجە کەێد گشت بیانیەیل کە تێنە ناو روسیا هەمیش ئەوانەگە ماوەی فرەیگە هانە ناو خاکەگە، هەوەجە کەێد وشکین پزیشکی گشتی ئەرایان بکرێد.
لە تەمێیەیل هاتیە: "داواکاری وشکین پزیشکی ئیجباریە ئەرا گشت بیانیەیل کە ماوەی فرەیگە لە روسیا دانشتنە، هەمیش ئەرا ئەو هاوڵاتیەیل وڵاتە یەکگرتگەیل ئابووری ئۆراسیا، وەبی وەرچەوگردن هووکار سەردانەگەیان".
دیاریکرد، هەوەجەکەێد بیانیەیل گشت ساڵیگ وشکین پزیشکی ئەنجام بیەن ئەرا دڵنیابوین لە تویشنەهاتنیان وە شمارەیگ بیماری.
وەزارەت ناوخوەی روسیا دووپاتکرد،"ئەگەر بیانیگ تویش بیماری هاتبوی رخداری وەبان ئەوەکانیش درسکەێد، وەی مدوو ئەرا وڵاتەگەی کلەوکرێد، و قەیەغەی هاتنی وە ناو زەوی روسیا کرێدە وەشیوەی هەمیشەیی".
وەزارەتەگە وتیش؛ هاوڵاتیەیل بیلاروسیا و مناڵەیل خوەر 6 ساڵ و دیبلۆماسیەیل و فەرمانبەرەل دیبلۆماسی و نویسینگەیل بایلۆزخانەیل وڵاتە بیانیەیل لە روسیا و ئەندامەیل خێزانیان، و فەرمانبەرەل رێکخریاگەیل ناودەوڵەتی نوێنەرایەتییە باوەڕوەپیکریاگەیل لە لە یەکێتی روسیا لەی ئێ پابەندبوینە نێگردیانە.
سەرچەوە: نوفوستی ـ RT
