روسیا دووارە پەلامار کیێڤ دەێد
شەفەق نیوز/ دەنگ چەن رممەیگ، شەوەکی ئمڕوو دووشەممە، لە کیێڤ هەڵسیا، دویای دویای رووژ لە پەلاماریگ لەبان کاروانێگ رووسی لە قرەم، ک مۆسکۆ وەرپرسایەتیی خستە مل ئۆکرانیا.
لە پایتەخت ئۆکرانیا دەنگ پەنج رممەی تەقینەوە لەلای کەمەو رەسیە گووش لەناوبەین ساعەت هەشت و هەشت و بیس خوەلەک وە وەخت ئۆکرانیا.
وەگورەی فرانس پڕس، فیتالی کلیچکۆ سەرۆک شارەوانی کیێڤ باس بڕیان کارەبا و ئاو لە گەڕەکەیلیگ لە پایتەخت ئۆکرانیا کرد، ک شەوەکی ئمڕوو دویای گورزەیل رووسیا بویە.
لە پەیامیگ لەبان تیلیگرام نویسان: بەشیگ لە کیێڤ لە کارەبا بیبەشە و ناوچەیلیگ لە ئاو بیبەشن، دویای گورزەیل رووسیا.
رووسیا پەلامارەیل مووشەکیی لەبان ئۆکرانیا لە هەفتەیل گوزەشتە خەسەو کرد، دویای ئەوە ک گلەیی تەقینەوەی پیەڵ قرەم خستە مل ئۆکرانیا.
ئەندرێە ترماک سەرۆک نویسینگەی فولوديمير زیلینسکی لەبان تیلیگرام نویسان: رووسە شکسهاورەیل وەردەوامن لە پەلامارداین دامودەزگایل مەدەنی.
