روسیا سێیەمینە لە ناو جیهان وە تویشهاتگەیل و مردگەیل کۆڕۆنا
شەفەق نیوز/ دەسڵاتەیل تەندروسی روسیا لە تۆمارکردن ٩٤ مردگ و ١١٦٥٦ تویشهاتگ نوو وە ڤاێڕۆس کۆڕۆنا خه‌وه‌ر دان، لە ماوەی یه‌ك رووژ، تا روسیا و ٢٢١،٣٤٤ حاڵەت توویشهاتگ بڕەسیدە پلەی سێیەم لە جیهان و گشت مردگەیل وڵاتەگە رەسیە ٢٠٠٩ کەس.
سەنتەر ئۆپراسیۆن روسی دژ وە ڤاێڕۆس کۆڕۆنا لە بەیاننامەیگ وت؛ هەژمار گشتی خاسەوبویەیل رەسیە ٣٩،٨٠١ وەزیایبوین ٥٤٩٥ کەس لە دویەکە.
بەیاننامەگە باس کرد ک ٤٦،٥ لە تویشهاتگەیل هویچ نشان دیاری پەتاگە وەپیانەو نەوی.
لە روژەیل دویایی بڵاوبوین پەتاگە لە روسیا وە ئاست ئارامێگ چیادە بان وتویشهاتگەیل روژانە ئیسه هانە دوەر ١١ هەزار كه‌س لە یەک روژ.
مۆسکۆی پایتەخت ٦١٦٩ تویشهاتگ نوو لەتی بوی، وەزیایبوین ٥٥٥١ حاڵەت لە دویەکەینگ، تا رێژەگە بڕەسیدە ١١٥٩٠٩ .
وە گشتی ژماره‌ی مردگەیل له مۆسکۆ بویە ١١٢٤ ك ٥٦ کەس لە رێژەی وەرین زیای بوین ، و ٤٠٣٢ کەس خاسەوبوین، تا هەژمار خاسەوبویەیل بونە ١٧٨٢٢ كه‌س.
