روبیۆ: وازیمن ئەرا سازکردن دیداریگ وەرد ئیران لە نیویۆرک
شەفەق نیوز- واشنتۆن
مارک روبیۆ، وەزیر دەیشت ئەمریکا، ئمڕوو سێشەممە، وازبوین وڵاتەگەی نشان دا ئەرا سازکردن دیداریگ وەرد وەرپرسەیل ئیرانی لە نەتەوە یەکگرتگەیل، هاوەخت وەرد تومەتبارکردن واشنتۆن لەلایەن سەرۆک ئیرانیەو وە وازهاوردن لەو رێککەفتنەیلە کە وەرد تاران واژووی کردۊد و تەقەلا ئەرا ناچارکردنی لەبان خوەیوەدەسدان.
روبیۆ لە لێدوانەیلیگ ئەرا توڕ "ئێن بی سی نیوز"، وت کە وڵاتە یەکگرتگەیل وازە ئەرا سازکردن دیداریگ وەرد ئیران، وەلی سازکردن دیداریگ لە ناوەین سەرۆک ئەمریکی دۆناڵد ترەمپ، و سەرۆک ئیرانی مەسعود پزیشکیان دۊر خست.
لە وەرانوەریش، سەرۆک ئیرانی وت کە "وڵاتە یەکگرتگەیل پا نایەسە بان دەق ئەو رێککەفتنەیلە کە وەرد ئیمە واژووی کردیە"، وتیش کە "تەقەلا دەێد وە گشت رییەیلیگ ناچارمان بکەێد لەبان تەسلیمبۊن".
ئی لێدوانەیلە لە ناوڕاس جۊلەیل دیپلۆماسی لە نیویۆرک تیەن، کە وەرپرسیگ گەورای ئیرانی، وەپەی "رۆیتەرز" وت، کە ئەو شاند ئیرانییە کە لەوراس دەسەڵاتەیل تەواویگ دیرێد ئەرا زینگەوکردن رێڕەو دیپلۆماسی وەرد واشنتۆن، و ئەوەگ تاران ئامادەس ئەرا باس لە وردەکارییەیل رێککەفتنیگ ئەرا کووتاییهاوردن وە کارەیل جەنگی لەڕی ناوجیکەرەیل.
