رمیان رژیم بەعس لە سوریا و بەشار ئەسەد بان گردە وەر
شەفەق نیوز/ دوو ئەفسەر لە سوپای سوریا، ئمڕوو یەکشەممە، ئەرا ئاژانس رۆیتەرز وتن: سەرۆک بەشار ئەسەد وە فڕۆکەیگ لە وڵاتەگە دەرچگ، وەرەو شوین نادیاریگ.
یەیش وەگەرد بەرزەوبوین رویداوەیل لە سوریا، و رەسین باڵە چەکدارەیل ئەرا دیمەشق پایتەخت، دویای شار حمس.
باڵە چەکدارەیل لە سوریا، شەفەق ئمڕوو یەکشەممە، راگەیانن کە رەسینە ناو دیمەشق پایتەخت، دویای چەن ساعەتیگ لە دەستیان وەبان حمس، سێیەم گەورەترین شارەیل وڵاتەگە.
باڵە چەکدارەیل لەبان تیلیگرام بڵاو کردن کە هیزەیلمان دەسکردنە چگن وەرەو ناو دیمەشق پایتەخت، لە وەختیگ بڕیگ لە خەڵکەگە ئەرا فرانس پرێس باس دەنگ تەقەکردن فرەیگ لەناو جادەیل پایتەخت کردن.
لەلای خوەییش، "سی ئێن ئێن" ئەمریکی وت: باڵە چەکدارەیل شەفەق ئمڕوو یەکشەممە وەگەرد رمیان وەرگری دیمەشق، رەسینە ناو پایتەخت.
وەگورەی رۆیتەرز، ریخریاگە چەکداری وتن: نشانەیگ ئەرا بڵاوبوین سوپای سوریا لە دیمەشق دیار نییە.
