گەردەلویل وەفر نیویۆرک خەێدە ئامادەباشی
2022-12-27T07:55:29+00:00
شەفەق نیوز/ جۆ بایدن سەرۆک ئەمریکا، ئامادە باشی لە ویلایەت نیویۆرک راگەیان، و فەرمان وە دەسمیەتی فیدڕاڵی دا، ئەرا تەواوکردن تەقەلایل دەسوەردان حکومەتی و ناوخوەیی، لەوەر ئەو گەردەلویل وەفرینە.
بایدن هەمیش دەسەڵات داگە ئاژانس فیدڕاڵی ئەرا وەڕیەوبردن ئامادەباشی و وەزارەت ئاسایش ناوخوەیی ئەرا رێککردن تەقەلایل دەسمیەتی زەرەدمەنەیل لەو گەردەلویل وەفرە.
ماڵ چەرمگ ئەمریکا وت: جۆ بایدن پەیوەندی تەلەفۆنی وەرد خانمە وەرپرس نیویۆرک، کاسی هوکول کردگە، تا دەسمیەتی فیدڕاڵی بخەێدە وەر دەسی ئەرا قورتاربوین لە جیماگەی ئەو گەردەلویل زمسانیە ک داگە وڵاتەگە.
تا ئیسە ئەو گەردەلویل وەفرە ٥٠ کەس لەلای کەمەو کوشتیە، و ئاگاداری لە مردن ١٣ کەسیش لە ١٢ ویلایەت رەسیە، ک هەر لە ویلایەت کولورادۆ و ئیلینۆی و کانساس و کینتاکی و میشیگان و میسوری و نبراسکا و نیویۆرک و ئوهایۆ و ئۆکلوهاما و تینیسی و ویسکونس، وەلێ ویلایەت نیویۆرک وە زەردمەنترین ناوچە دریەێدە قەڵەم.
