ئەردۆگان وەشیان یەکەمین مانگ دەسکرت ئەرا چەودیاریکردن راگەینێد
2023-04-09T14:49:17+00:00
شەفەق نیوز/ رەجەب تەییب ئەردۆگان سەرۆک تورکیا، ئمڕوو یەکشەممە، راگەیان وڵاتەگەی ئەوەسا یەکەمین مانگ دەسکرتی لە رووژ سێشەممەی ئایندە ئەرا چەودیاریکردن وەشنێد.
ئەردۆگان لەبان تویتەر نویسان: مانگ "ئی ئێم ئی سی ئی"، وە کارەیل ناوخوەیی و نیشتمانی دروس کریا، و ئەوەسا لە ١١ی نیسان وەرەو بۆشایی ئاسمان وەشیەێد.
وتیش: وڵاتەگە هەر لە پیشبڕکی بۆشایی ئاسمان جەهانی مینێد، ئەوەیش وەخاسی سامانەیل مرۆیی، و ئەو دەرفەتەیلە ک پیشکەش کەێد، و ئەو تەکنیکە ک گەشە وەپیان تیارێد.
وەگورەی ئاژانس ئەنادۆڵ تورکی؛ "ئی ئێم ئی سی ئی" مانگیگ دروسکریاگە تا لە دویرەو هەس بکەێد، و داهات تورکیا وەلایەن پەیامانگای تەکنیکی بۆشایی ئاسمان سەروە ئەنجومەن تۆێژینەوەیل زانستی و تەکەنەڵۆژیا لە تورکیا وەگورەی 60% دروس کریاگە.
ئەو مانگ دەسکرتە، کیشەگەی رەسێدە نزیکەی ٧٠٠ کێلوگرام، و ئەوەسا لە سەربازگەی فاندینیرگ ئەمریکی مەرەقەز کریەێد.
