رخیگ لە زەویلەرزەیل نوویگ پەیا کەێد.. دەرکەفتن ناکاوی چاڵیگ لە تورکیا
2023-08-26T07:28:25+00:00
شەفەق نیوز/ چاڵ نوویگ، تیرەگەی رەسێدە نزیکەی ٢٠ مەتر، وە قویلی ١٥ مەتر، لە شار قونیه لە تورکیا دەرکەفت، ک رخیگ خستە ناو دڵ دانیشتگەیل ناوچەگە، و هەمیش پرسیاریگ دروس کرد کە ئایا یە نیشانەی زەویلەرزەی نوویگە؟.
کشاوەرزەیل دالیەی پەتاتە لە ناوچەی بشاجیل لە کاربینار قونیەی تورکیا، چاڵ قویلیگ پەیا کردن، هەکاتی ئەو چاڵەیلە لە پشت زەویلەرزە ویرانکەرەگەی شوبات گوزەشتە، وەگورەی قسەی رووژنامەی (یەنی شەفەق) تورکی.
لەلای خوەییش، کازم ئەسڵان سیان خاوەن ئەو زەویە کە چاڵەگە لەناوی دروس بویە، وت: مەوقەی کارکردن لەناو دالیەگە، چاڵیگ پەیا کردن، و چوینکە شەوەو بوی، ویرە نەکردن فرە لەلیەو نزیکەوە بوون.
وتیش؛ شەوەکی هەناێ قویلی و پانی ئەو چاڵە دین، نیگەران بوین، و ئاگادار دەسەڵاتیل کردن.
جی باسە کە لە شوبات گوزەشتە، چاڵ گەپیگ وەناکاوەو لە ناوچەی رەشادیە لە ویلایەت قونیه ناوڕاس تورکیا پەیا بوی، رخ مەردم برد، و ئیسەیش مەردمەگە لەی چاڵە فرەتر رخیان چوود، نەگ یەیش کار زەویلەرزە بوود.
