ئەرا وازکردن ڤەورسانیگ ئاسەواری.. سەربڕین مناڵیگ لە میسر
ئاواییگ لە پارێزگای ئەسیوت باشوور وڵات میسر، ئەو تاوان قیزەونە وەخوەی دی، کە تەرم مناڵیگ پەیا کریا، سەری لە ملەو بڕیاس و دەس وپایلی بڕیانە.
دەسەڵاتەیل میسری وەرجەوە وە چەن رووژیگ، لە رووژەیل جەژن قوربان، ئاگاداری ئەرایان رەسیە کە مناڵیگ وەناو محمد عیسام لە تەمەن شەش ساڵان بیسەروشوینە، خەڵک ئاوای همامیە لە ئەسیوت، و دویای مینەکردن، تەرمیگ لەناو چاڵیگ پەیا کریا، سەری لە ملەو بڕیاس و دەس وپایلی بڕیانە.
لێکۆڵینەوە و مینەکردن و تەماشاکردن کامیرایل چەودیاریکردن دەرخستن کە ئاموزای قوربانیەگە وەگەرد چەن کوڕیگ ترەک تاوانەگە جیوەجی کردنە، کە هەناێ دەسگیر کریان وتن: سەر کوڕەگە برینە تا بکەنەی قوربانی ئەرا ڤەورسانیگ، کە شێخیگ پەڵپ ئەوە لەلییان گردیە، تا وەی شیوە بتوانن چشتەیل ناو قەورسانەگە درارن.
دەرکەفت کە ئەو کەسەیلە مەوقەی بازیکردن مناڵەگە لەوەردەم ماڵ باوگی رفاننە، و سەری بڕینە و دەس و پایلی بڕینە و تەرمەگەی لەناو چاڵیگ فڕە دانە.
