ئەرا یەکەمین جارە.. وڵات چین ٦٠ هەزار مردن وە کۆڕۆنا راگەینێد
2023-01-14T13:29:10+00:00
شەفەق نیوز/ دەسەڵاتەیل تەندروسی لە وڵات چین، ئمڕوو شەممە، توومارکردن نزیکەی ٦٠ هەزار مردن وە کۆڤید -١٩ وەماوەی پەنج هەفتە راگەیان، ک یە یەکەمین ئامار گەورەس وەلایەن حکومەت چین، لە وەختیگ ک وەناکاوەو ریکارەیل تەندروسی هەڵگریا، لە سەر مانگ کانون یەکەم، لەوەختیگ پسپۆڕەیل تەندروسی جەهانی مەزەنە کردن لەلای کەمەو رەسێدە یەک مەلیۆن مردن لەی ساڵە.
چیاو یاهوی سەرۆک نویسینگەی ئیدارەی پزشکی نیشتمانی وت: وڵات چین 59938 مردن وە کۆڤید - ١٩ لە ٨ کانون یەکەم ٢٠٢٢ تا ١٢ی کانون دویەم ٢٠٢٣ توومار کردیە.
شوینەیل وەخاکسپاردن تەرمەیل ئاگاداری لە زیایبوین داوای کارەیلی کریەێد، و خەسەخانەیل پڕ لە بیمارەیل بوین، لە وەختیگ پسپۆڕەیل تەندروسی جەهانی مەزەنە کەن لەی ساڵە شمارەی مردنەیل وەپەتاگە لە وڵات چین بڕەسێدە نزیک یەک مەلیۆن کەس.
باوجی وڵات چین وەفەرمی تەنیا شمارەی کەمیگ لە مردنەیل وەپەتاگە راگەیان، لەو وەختە ک بڕیار داگە سیاسەتی وە رەفتارکردن وە ڤایرۆسەگە ئاڵشت بکەێد، و رخ لە بیماریەگە کەمەو کرد.
