ئەرا یەکەمین جارە.. گەرمی بەریتانیا خەێدە ئامادەباشی
2022-07-16T07:35:27+00:00
شەفەق نیوز/ ئامادەباشی گشتی لە بەریتانیا راگەینریا، ئەوەیش دویای دەرچگن هوشداری لە پلەی سوور ئەرا یەکەمین جارە لە شەپوول گەرمی سەختیگ دەێد لە وڵاتەگە، ومەزەنەی رەسین گەرمی ئەرا ٤٠ پلەی سیلیزی.
ئی هوشداری بەرزە لەلایەن نویسینگەی رەوانگەی کەشوهەوای بەریتانیا، ناوچەی لەندەن ومانشستەر یۆرک ئەرا رووژەیل دووشەممە وسێشەممە گرێدەو.
یەیش واتە رخیگ هەس لەبان ژیان و بایەتە رۆتێن رووژانە ئاڵشت بوود.
و شایەت تونی قەتارەیل لەبان سکەی ئاسن کەمەو بکریەێد، وهەمیش بەشیگ لە مەکتەوەیل زویتر بەسیەن.
لە ریوبانیش، دەسەڵاتەیل پلان دیرن دەسمیەتی رانندەیل بیەن وەگەرد بەرزەوبوین پلەی گەرمی.
لە خود وەختەگە، پەنج پێشبرکی ئەسپ ئەرا رووژەیل دووشەممە وسێشەممە لەوەر گەرمی پویچەڵ کریا.
