ئەرا دۊەم رووژ.. ناڕەزایی لەناو رووسیا لەبان داگیرکردن ئۆکرانیا
![ئەرا دۊەم رووژ.. ناڕەزایی لەناو رووسیا لەبان داگیرکردن ئۆکرانیا](https://media.shafaq.com/media/arcella/1645857362621.jpg)
شەفەق نیوز/ ناڕەزایەیل دژوە داگیرکردن ئۆکرانیا لە بڕیگ لە شارەیل رووسیا، ئەرا دۊەم رووژ لەپشتیەک، وەردەوامە، ک سەدان کەس وەشیوەی سادەیی لەناوڕاس سانت بترسبرغ گردەو بۊن، و دروشم "نە ئەرا جەنگ" بەرزەو کردن.
پۆلیس رووسیا پەلامار ناڕەزایلە دا، و نزیکەی ٤٣٧ کەس لە ٢٦ شار رووسی دەسوەسەر کرد، ک ٢٢٦ لەلیان لە مۆسکۆ، و ١٣٠ لە سانت بترسبرغ، وەگورەی ریخریاگ OVD-Info ک کەفێدە شۊن باسەیل دەسوەسەرکردن سیاسی.
پۆلیس مۆسکۆ کەسەیلیگ وە هەڕەمەکی دەسگیر کرد، لەنزیک ئەو شۊنەیلە ریوار بۊنە.
ئەو ریپیوانەیلە ک شەو جمعە دەسوەپی کردن، لە رووژ پەنجشەممە بۊچگتر دیاربۊ، هەنای هەزاران لە ناوچەیل رووسیا هاتنە بان جادە، ئەوەیش وەگورەی سایت "دەنگ ئەمریکا ".
حکومەت رووسیا خوازێد تووڵە لەو رووژنامەوان و هونەرمەنەیلە بسینێد ک رەخنەیل سەختیگ لەبان پەلامار ئۆکرانیا کردن.