راوێژكاره‌يل ترامپ داوا له‌لى ئه‌كه‌ن ماوه‌ى وسانن سزا له‌بان ئيران دريژه‌و بكا
شه‌فه‌ق نيوز/ وه‌رپرسيگ گه‌ورا له ئداره‌ى ئه‌مريكى وت: بڕيگ له گه‌ورا راوێژكاره‌يل دوناڵد ترامپ سه‌رۆك ئه‌مريكى قسه وه‌پى دانه له‌باره‌ى دريژه‌وكردن وسانن سزايه‌يل تايبه‌ت وه ئيران له وه‌ختيگ ك بريار ئه‌دريه‌ێد سه‌باره‌ت وه ئيران، وه‌لێ له دانيشتنه‌يل تايبه‌ت ترامپ مه‌يل وه ئه‌نجامداين ئه‌و كرده‌وه نه‌ياشتگه.
له‌ىى باوه‌ته‌و، وه‌رپرسيگ گه‌ورا له ئداره‌ێ ترامپ ئه‌را روێته‌رز وت: سه‌رۆك ئه‌مريكى هه‌وڵ داين بڕيار كووتايى ئه‌ياد له‌باره‌ى سزايه‌يل له‌بان ئيران له دانيشتنيگ وه‌ل ده‌سميه‌تده‌ره‌يلێ ئه‌را كاروبار ئاسايش نه‌ته‌وه‌يى و له هه‌مان وه‌خت گه‌ورا راوێژكاره‌يليشى رينمايى كردنه ماوه‌ى وسانن سزا له‌بان ئيران دريژه‌و بكا.
جى باسه، هه‌مان وه‌پرس يه‌يش ده‌رخست ك بڕيگ له وه‌رپرسه‌يل پيشبينى ئه‌وه ئه‌كه‌ن ترامپ ماوه‌ى وسانن سزايه‌يل له‌بان ئه‌و وڵاته دريژه‌و بكا، وه‌لێ جه‌خت له‌بان ئه‌وه‌يش ئه‌كه‌ن ك هيمان بڕيار له‌ى باوه‌ته‌و نه‌درياگه.
