ئیران.. کوشیان وەرپرسیگ حکومەتی لە شار شیراز
![ئیران.. کوشیان وەرپرسیگ حکومەتی لە شار شیراز](https://media.shafaq.com/media/arcella/1715525411810.jpg)
2024-05-12T14:51:31+00:00
شەفەق نیوز/ میدیایل فەرمی ئیران، ئمڕوو یەکشەممە، راگەیانن کە چەکدارەیلیگ نەناسیای وەرپرسیگ لە حکومەت ناوخوەیی لە شار شیراز ناوەند پارێزگای فارس باشوور ئیران کوشتن.
ئازانس خەوەری "تەسنيم" سەروە سوپای پاسداران وت: چەکدارەیلیگ نەناسیای تەقە لە ئەندازیار رزا مەسعودی وەڕیەوبەر شارەوانی ناوچەی پەنج لە شار شیراز کردن.
وتیش: هیزەیل ئەمنی هۆڵ ئەنجومەن شار شیراز بەسان دویای راگەیانن لە کوشتن ئەندازیار رزا وە گولەی چەکدارەیلیگ نەناسیای.
سایتەیل خەوەری ئیرانی وتنیش؛ چەکدارەیلیگ چگنە ناو بینای ئەنجومەن پارێزگای شیراز و تەقە لە رزا مەسعودی کردن.