ئیران.. هەڵمەت دەسگیرکردن دۊای کوشیان و زەخمداری ئاخونەیلیگ
![ئیران.. هەڵمەت دەسگیرکردن دۊای کوشیان و زەخمداری ئاخونەیلیگ](https://media.shafaq.com/media/arcella/1649230115123.jpeg)
شەفەق نیوز/ دەسەڵاتەیل ئیران، شەوەکی ئمڕوو چوارشەممە، بڕیگ ریکار ئەمنی سەخت لە پارێزگای مەشهەد جیوەجی کردن، وەگەرد هەڵمەتیگ دەسگیرکردن لەدۊای رۊداو کوشیان و زەخمداری ئاخونەیلیگ وە چەقو.
محمد حسێن درودی بانگەشەکار گشتی پارێزگای خوراسان (مەشهەد) لە ئیران وت: ئەوەگ ئەو چەقوکاریە کردگە لە کەسەیل بیگانە بۊە ک لە پارێزگاگە نیشتەجیە.
درودی وتیش: پۆلیس لەبان باوەتەگە کار کەێد و دەسکردە لێکۆڵینەوە، ولە خود وەختەگە دەسگیرکردن ٤ کەس ک گومان لەبانیان هەس راگەیان ک دەسیان هاناو رۊداوەگە.
لەلای خوەییش محسن داوری حاکم مەشهەد وت: پەلاماردەرەگە کاریگەر وە (تەکفیر، و ئیستکبار جەهانی) بۊە، و جەخت کرد ک گرنگە رەفتاریگ وەگەرد وەرپرسەیل لەبان ئی دەسدرۊژیە بکریەێد و سزایان بیریەێد.
دەسەڵاتەیل پزشکی مەشهد وتن: دوان لە زەخمدارەیل رۊداوەگە ک هەردوگیان ئاخونن دۊای نەشتەرگەری تەندروسیان خاسە، و ئاخونە سێیەمەگە گیانی لەدەسدا.