ئیران: هەماهەنگی مەرج رەدبوین کەشتییەیلە لە تەنگەی هورمز
شەفەق نیوز- تەران
نوێنەر ئیران لە ڕێکخریاگ دەریایی ناودەوڵەتی، عەلی مووسەوی، ئمڕوو یەکشەممە، راگەیان تەنگەی هورمز وازە ئەرا گشت کەشتییەیل مەگەر "دوژمنەیل"، و ئاماژە دا وە توانای رەدبوین کەشتییەیل لە ناو تەنگەگە وە هەماهەنگی وەگەرد وەرپرسەیل ئیرانی.
مووسەوی وەپاێ قسەی "ئیران ئینتەرناشناڵ" دووپاتکرد "پاپەندبوین ناودەوڵەتی دەێد وەگەرد رێزگرتن لە یەکپارچەیی خاک ئیران و مافەیل"، و دیاریکرد "دیپلۆماسی یەکەم ئەرا تەهران، و لایەنەیل تر پەکخسن گشت پەلامارەیل و بونیادنان متمانە وە بنەما مێنێدەو".
هەمیش وتیە؛ "تەهران ئامادەس ئەرا هاوکاری وەگەرد ڕێکخریاگە و وڵاتەیل جیاواز ئەرا خاسکردن سەلامەتی دەریایی و دابینکردن ئەمنییەت کەشتیڕان".
لە گوزەشتە دۆناڵد ترەمپ، سەرۆک ئەمریکا، هەڕەشەیل دژ وە ئیران، دویەو شەو شەممە توندەو کرد، و ئاگاداری دا لە تێکدان وێستگەیل وزە لە وڵاتەگە ئەگەر تەنگەی هورمز وەتەواوی لە ماوەی 48 سەعات واز نەکرێد.
