ئیران هەلقوڵانیگ لە مردنەگان ڤایڕۆس کۆڕۆنا تۆمارکەێد
2020-10-05T13:37:40+00:00
شەفەق نیوز/ ئیران هەلقوڵانیگ لە تووشهاتنەگان ڤایڕۆس کۆڕۆنا تۆمارکەرد ک رەسیە ٣٩٠٢ کەس لەماوەی ٢٤ ساعەت گوزەیشتە، وهەمیش ٢٣٥ تووشهاتگ لەوەر ڤایرۆسەگە مردن.
وەگورەی دویاتریان ژمارە و ئامارەیل فەرمی لە وەزارت تەندروسی ئیران، ئمڕوو دووشەممە، ئامار تووشهاتنەگان لەوەخت بڵاوبوین پەتاگە رەسیە ٤٧٥٦٧٤ ، و بیماری کۆڤید-١٩ گیان ٢٧١٩٢ کەس سەن.
وەزارەتەگە وت: ٤١٦٧ تووشهاتگ ڤایڕۆس کۆڕۆنا هانە رەوش تەندروسی سەختیگ لە ژوورەیل چەودیری وورد.
وەزارەتەگە راگەیان ک ٣٠ هەرێم لە بنچینەی ٣١ هیمان هانە رەوش تەندروسی مەترسیداریگ، ٢٦ هەرێم لەلیان هانە رەوش تەندروسی سوور لە تووشهاتن وە ڤایڕۆس کۆڕۆنا، و ٤ هەرێم هانە ئامادەباشی لەوەر بەرزەوبوین رێژەی تووشهاتنەگان.
