ئیران هەڕەشە لە ناڕەزایەتی جادەیل دەێد

شەفەق نیوز/ عەمید ئەحمەد رزا رادان، فەرماندەی گشتی هیزەیل پولیس ئیرانی، هوشداری دا لە هەر جویلەیگ ناڕەزایەتی لە وڵات.

 رادان لە چەوپیکەفتنیگ وەرد تەلەڤزیۆن ئیرانی وت: ئەگەر ئاژاوەکارەیل تەقەلای شیوانن ئاسایش هاوڵاتیەیل لەی ساڵە دان، پولیس وە سەختی و بی خەمسەردی وەردیان رەفتار کەێد، و پاپا نیەکەێد لە چەسپانن ئاسایش و تلانن لەیاسادەرچگەیل.

رادان لە قسەیلی وتیش: ئمساڵ، وەگورەی یاسا، ئەگەر هەر یەکیگ لەوانەگ لەیاسا دەرچگنە ویرەداری کرد و ئاسایش گەل خستە رخداری، خو هیزەیلمان وەگشت سەختییگ وەردیان رەفتار کەن، وەگورەی تووڕ (ئیرەم)

  لە 10ی ئادار، ریخریاگ ماڤپەروەری "هرانا" وت: وڵاتەگە لە ڕووژەیل گوزەشتە 13 خوەینشاندان ناڕەزایی وەخوەی کی وەلایەن خانەنشینەیل و کارمەنەیل کەرت تەندروسی و پەروەردە وەداوای خاسەوکردن ژیانگوزەرانییان.

 ئاهەنگەیل سارساڵ ئیرانی، رووژ پەنجشەممەی گوزەشتە، لە بەشیگ لە شوینەیل کەلتوری لە ئیران وتن دروشمەیل دژوە حکومەت وەخوەیان دین، کە شمارەیگ لە هاوڵاتییەیل دەسگیر کریا.