ئیران نزیکەی توومەتبار ٨٠٠ کەس وە کارەیل ئاژاوە کەێد
شەفەق نیوز/ دەسەڵاتەیل دادوەری ئیران، توومەتبار نزیکەی ٨٠٠ کەس کرد ک دەسیان لەناو کارەیل ئاژاوە لەی دویاییە بویە، لە پارێزگایل هرمزکان و ئەسفەهان و مەرکەزی، وەگورەی میدیایل راگەیانن ئیرانی.
شمارەیل دادوەری ئیران نشان دان ک توومەتبار زیاتر لە ٢٢٠٠ کەس کریاگە، نیمیان لە تەهران، لە وەخت دەسکردن وە ناڕەزایەتیەیل وەرجە دوو مانگ.
سایت "میزان ئۆنلاین" سەروە دەسەڵات دادوەر لە زوان بانگەشەکار گشتی لە پارێزگای هرمزكان راگەیان توومەتبارکردن ١٦٤ کەس ک دەسیان لەناو کارەیل ئاژاوەی دویانن دژوە ئاسایش بویە لەی پارێزگا.
سایتەگە وتیش: لە پەراویز سەردانی ئەرا بەندیخانەیگ لە پارێزگای هرمزكان موجتەبا قەهرەمانی راگەیان ١٦٤ کەس لە ئاژاوەیل دویایین دەسگیر کریان، و ئەوەسا لە رووژ پەنجشەممە وەرەولا دادکاری کریەن، وە ئامادوبوین پارێزەرەیلیگ وەرگری لەلیان بکەن، وە توومەت "گردەوبوین و پیلاندانان دژ وڵاتەگە" و "پڕۆپاگندە دژ رژیم" و "زەخمداکردن ئەندامەیل ئاسایش" و "زەرەد رەسانن وە دارایی گشتی".
هەرلیوا بانگەشەکار گشتی لە پارێزگای ئەسفەهان ئەسەدەلڵا جەعفەری وت: ٣١٦ باوەت هەس پەیوەندی وە ئاژاوە دیرن، و ١٢ توومەتبار دادکاری کریانە.
لە پارێزگای مەرکەزی توومەتبار ٢٧٦ کریا، وەگورەی ئاژانس "ئیرنا".
هەرلیوا، ١٠٠ گەنج وەبی دادکردن مەرقەز کریان، دویای ئەوە ک واژوو لەبان پەیمان وازهاورد لە بەشداریکردن لە "کارەیل ئاژاوە" کردن.
لە ١٦ی سبتەمبەر تا ئیسە ئیران ناڕەزایی وەخوەی دوینێد، ئەوەیش دویای کوشیان ژینا ئەمینی ٢٢ ساڵان وەدەس پولیس ئەخلاق.
