ئیران کۆنتڕۆڵکردن ئەو ئاوەیلە راگەینێد کە روی وەرەو عراق کەن وە دەسپیچگ خوازین خوەی

شەفەق نيوز/ وەرپرسیگ ئیرانی پایەبەرز، ئمڕوو یەکشەممە، ئاشکرای نیازیگ فەرمی کرد ئەرا وسانن بەشیگ لەو ئاوە کە روی وەرەو عراق کەێد، وە دەسپیچگ خوازین ناوخوەیی، لە گامیگ کە شایەت درویژەداینە ئەرا سیاسەتەیل وەرین ئیران لە گیرهاوردن داهاتەیل ئاو هاوبەش ناوەین دوو وڵات.

 یاسم خان محمدیان لە قسەیلی کە ئاژانس "تەسنيم" ئیرانی بڵاوی کرد وت: فرەی ئەو ئاوە کە لە ئیران وەرەو عراق چوود، بایەسە کۆنتڕوڵی بکەیمن و نوای بگریمن.

ئی قسە لە وەختیگ تیەێد کە هوشداری لە قەیران ئاو تاسنیگ دیریەێد کە عراق وەخوەی دوینێد، وەتایبەت لە ناوچەیل سنووری لە سای کەمەوکردن تەکان ئاوەیل وەلایەن ئیرانەو لە دەیان چەم هاوبەش، جویر ئەڵوەن لە دیالە، و کارۆن لە بەسرە، و زێو لە سلێمانی، دویای ئەوە کە تەهران رویی وەرەو ناو ئیران کرد.

  محمدیان وتیش: پارێزگای ئیلام 641 هەزار هکتار لە دارستان سروشتی دیرێد، و780 هەزار هكتار لەوەڕ ئاژەڵ، بیجگە زیاتر لە هەزار چین درەختی، فرەیان گیای پزشکیە، کە خاسن ئەرا ناوچە بیبەشەیل، ئەراوە دووپات لە گرنگی وەڕیەوبردن ئاو کەیمن ئەرا نەهیشتن زەرەدەیل ئەگەری لە پارێزگاگە هەکاتی لافاوەیل 2015.

وتیش: لە بشیگە لە رووبەر یەک ملیۆن و740 هەزار هكتار لەی ناوچە کە کەفنە مقیەتیکردن داهاتەیل سروشتی.

ئەو وەرپرس ئیرانیە وتیش: پارەکە یاداشت لەیەکفامستن سێیانی بایی 1750 ملیۆن تومان واژوو کریا، چەوەڕی جیوەجیکردنی لە ماوەی سێ ساڵ ئایندە کریەێد وە هاوکاری وەرد هیزەیل ئەمنی، وە ئامانج خاسەوکردن وەڕیەوبردن داهاتەیل سروشتی و ئاوی.