ئیران: ئیمە وەرپرس نییمن لە کردەوەی هەر تاکیگ یا بڕیگ لەناو عراق و سوریا
ئەمیر سەعید ئیرەوانی باڵیۆز و نوینەر هەمیشەیی ئیران لەلای نەتەوە یەکگرتگەیل ئەرا باڵوێز فەرەنسا نویسان کە وڵاتەگەی سەرۆکایەتی ئی خولە لە ئەنجومەن ئاسایش سەروو نەتەوە یەکگرتگەیل کردیەسە دەس: ئی پەیامەیل وەڵامە لەبان پەیام رووژ ٢٦ کانوون دویەم ٢٠٢٤، کە خانمە نوینەر هەمیشەیی ئەمریکا لەلای نەتەوە یەکگرتگەیل ئامادەی کرد، کە نشانەیل بیدەسپیچگ و بی بنەما لەڕاسی لەناوی بوی گوایە گرووپیگ نیمچە سەربازی سەروە هیزەیل چەکدار کۆمار ئیسلامی ئیران دەسی هاناو کردەوەیلیگ دژوە ئەندامەیل و دامەزراوەیلیگ ئەمریکی لە عراق و سوریا.
ئەیرەوانی وتیش؛ کۆمار ئیسلامی ئیران وە یەکجاری ئیجویر هەڵوەسیانیگ رەت کێد کە بنەما لەڕاسی نەیرن، کە هویچ گرووپیگ سەروە هیزەیل چەکدار کۆمار ئیسلامی ئیران چ لە عراق یا لە سوریا یا لە هەر شوینیگ ترەک نییەڕ کە لەژیر دەسەڵات راستەخۆ یا ناڕاستەوخۆ یا لەجیای کار کەێد، ئەراوە کۆمار ئیسلامی ئیران لەبان هویچ کردوەیگ هەر کەسیگ یا گرووپیگ لەناوچەگە وەرپرس نییە.
