ئیران.. پەلامارەگەی زاهدان وە کوشیان چوار چەکدار و دوو پولیس تەواو بوی
2023-07-08T11:30:12+00:00
شەفەق نیوز/ میدیایل راگەیانن ئیرانی، ئمڕوو شەممە، خەوەردا لە تەواوبوین ئەو پەلامار چەکدارە لەبان بنکەی پولیس لە شار زاهدان وە کوشیان ٤ چەکدار و دوو ئەندام ئەمنی.
کەناڵ العالم وت: ئەو پەلامارە لەبان بنکەی پولیس لە شار زاهدان ئیران وە لەناوبردن ئەو گرووپ چەکدار ٤ کەسیە تەواو بوی.
میدیایل راگەیانن ئیرانی وتن؛ شەوەکی ئمڕوو، دوو ئەندام ئەمنی لە پەلامارەگە کوشیان، و ئاژانس ئیرنا خەوەردا لە پەلاماریگ چەکدار لەبان بنکەی پولیس لە زاهدان، ک بویە هوکار کوشیان ئەندامیگ لە پولیس ئیران.
