ئیران رەدبوین 3.2 ملیۆن کەس ئەرا عراق لە زیارەت چلە راگەینێد
![ئیران رەدبوین 3.2 ملیۆن کەس ئەرا عراق لە زیارەت چلە راگەینێد](https://media.shafaq.com/media/arcella/1724313970264.jpg)
2024-08-22T08:06:30+00:00
شەفەق نیوز/ فەرماندیەی گشتی هێزە ئەمنیەیل ناوخوەی ئیران عەمید ئەحمەد رەزا رادان، ئمڕوو پەنجشەممە، راگەیان 3 ملیۆن و 200 هەزار کەس لە ری دەروازەیل سنووری ئەرا عراق چگنە تا بەشداری زیارەت چلە بکەن.
رادان لە بەیانیگ رووژنامەوانی لە پەراوێز زیاتەگەی ئەرا سنوور جەزابە لە (باشوور خوەرئاوای ئیران) کە دەزگا راگەیاندنەیل ئیران ئمڕوو بڵاویکردنە راگەیان، لەناوەین 3 ملیۆن و200 هەزار کەس کە ئەرا زیارەتکردن چلە چگنەس ناو خاک عراق تەنیا یەک مليون و 600 هەزاریان ئەرا وڵاتەگە گلەوخواردنە.
وتیش، ئامادەکاری پێویست کریاس وەلایەن گشت دامودەزگایەیلەو، لەناویانیش ئەمنی ناوخوەیی، تا زیارەتکارەیل بتوەنن وەشیوەی خاس و ئارامیگ گلەوبخوەن.