ئیران کردنەئامانج بنکەیل ئەمریکی لە کوێت و بەحرەین راگەیان.. و وەرگرییەیل کەنداو نواگیریکردنیان راگەیانن

ئیران کردنەئامانج بنکەیل ئەمریکی لە کوێت و بەحرەین راگەیان.. و وەرگرییەیل کەنداو نواگیریکردنیان راگەیانن
2026-11-18T06:34:44+00:00

شەفەق نیوز - تەهران / کوێت / مەنامە

دەسەڵاتەیل سەربازی لە کوێت و بەحرەین، ئمڕوو چوارشەممە، راگەیانن  ئامێرەیل وەرگری ئاسمانییان نواگیری لەو پەلامارەیلە وە فڕۆکەیل بێفڕۆکەوان "دوژمنکارە" کردنە کە ئیران وەرەو شوینەیلیگ هێزەیل ئەمریکی لە هەردوگ وڵات لە خوەیان گرن وەشانگە.

میدیایل ئیرانی لە زوان سوپا گواستنەو،  فڕۆکەیل بێفڕۆکەوان وەشانیە و سیستەمەیل "پاتریۆت" و سەکۆیل مووشەک و فڕۆکەیل بێفڕۆکەوان سەر وە هێزەیل ئەمریکی لە بنکەی ئاسمانی "عەلی سالم" لە ناو کوێت کردیەسە ئامانج.

لە وەرانوەر ئەوە، وەزارەت وەرگری کوێت لە بەیاننامەیگ فەرمی دووپات کرد،  وەرگرییە ئاسمانییەیلی نواگیری لە پەلامارە بێفڕۆکەوانەیل کردنە بی ئەوەگ هویچ زەرەدیگ توومار بکریەێد.

لە مەنامەیش، فەرماندەیی گشتی هێز وەرگری بەحرەین رێگریکردن لە نواگیریکردن ئاسمانی ئیرانی شەوەکی ئمڕوو راگەیان، و دیاری کرد ک تەهران لەبان "رێباز دوژمنکارانەی" وەردەوامە لە رێ کردنەئامانج بەحرەین کە میوانداری لە کەشتیگەل پەنجەم سەر وە هێز دەریایی ئەمریکا کەێد.

ئی ئەوزەڵکردنە درویژەداین پەلاماریگە کە سوپای پاسداران ئیرانی، دۊیەکە سێشەممە راگەیانێ، و سیستەم راداریگ سەربازی ئەمریکی لە بنکەی ئاسمانی "شێخ عیسا" لە بەحرەین کردە ئامانج، لە جواو ئەوەگ وە پێشێلکارییەیل واشنتۆن ئەرا ئاسمان ئیران وەسفی کرد.

لە لای خوەیانەو، واشنتۆن و مەنامە نواگیرکردن  لە پەلامارە ئیرانییەیل راگەیانن، کە لە دۊیای ئەوە گورزیگ ئەمریکی شوینیگ  مووشەک وشانن لە ناو ئیران کردە ئامانج، وەگەرد تەقەلا دیپلۆماسی و ناوبژیوانییەیل وەردەوام لە رێ شانشین عومان و قەتەر ئەرا کپەوکردن ئەوزەڵکردنەیل.

Shafaq Live
Shafaq Live