ئیران داوا لە جیهان کەێد جەنگ ئیسرائیل لەبانی بووسنن
شەفەق نيوز/ وەزارەت دەیشت ئیران، ئمڕوو سێشەممە، داوای ریکارەیل ناودەوڵەتی و هەرێمی کرد ئەرا کۆتاییهاوردن وە جەنگ ئیسرائیل وەبان وڵاتەگەی.
سایت جەزیرە لە خەوەریگ زویوەزوی وت: وەزارەت دەیشت ئیران دووپات لە گرنگی جیوەجیکردن ریکارەیل ناودەوڵەتی و هەرێمی کرد ئەرا وسانن ئی جەنگە کە لەبان ئیران چەسپیاس.
لەلای خوەییش، وەزل وت دەیشت چین گاڵ ئەو دەوڵەتەیلە دیرن کە دەس وەرد ئیسرائیلا دیرن، ریکارەیل کوتپڕ جیوەجی بکەن ئەرا ئارامکردن، و توومەتبار دۆناڵد ترەمپ سەرۆک ئەمریکا کرد کە نەفت کەێدە بان ئاگر لەی جەنگە.
وەزارەت دەیشت چینی دیاری کرد کە جەنگ لە خوەرهەڵات ناوڕاس لە بەرژەوەنی هیچ لایەنیگ نییە، وتیش؛ هەڕەشە و فشارەیل دەسمیەتی لە ئارامکردن خوەرھەڵات ناوڕاس نیەێد، باوجی جەنگەکە فراوانەو کەێد.
دەیشت چینی وتیش: پەیوەندی وەرد دوو باڵیۆزخانە و قونسوڵخانەیلمان لە ئیران و ئیسرائیل کەیمن ئەرا دەرکردن زویوەزوی مەردم ئیمە.
