ئۆکرانیا موسیقا و کتاو رووسی سنووردار کرد
![ئۆکرانیا موسیقا و کتاو رووسی سنووردار کرد](https://media.shafaq.com/media/arcella/1655718846751.jpg)
شەفەق نیوز/ پەرلەمان ئۆکرانیا لە تەقەلایەیلی ئەرا نەهیشتن هویچ پەیوەندییگ رووشنهویری لە مابەین هەردگ وڵاتەگە یاسای سنووردارکردن ئاڵشتکاری کتاو و موسیقای رووسی پەسەن کرد.
وەگورەی یاساگە، لە ئۆكرانیا چاپکردن ئەو کتاوەیلە نویسەریان رووسیە قەیەغە کریەێد، تەنیا لە وەختە نەود نویسەرەگە ئامادەیی نیشانبدەێد لە دەسبەرداربوین پاسپۆرتە رووسیەگەی لەوەرانوەر پاسپۆرت ئۆکرانیا وەربگرێد.
لە یاساگە قەیەغەی هاوردەکردن کتاو لە رووسیا و ناوچەیل دەسوەبان گیریاگەیل ئۆکرانیا وەلایەن رووسیا کەێد، هەمیش، یاساگە ریگری کەێد لە کارکردن هەر مۆسیقایگ لە کەناڵە تەلەڤزیۆنی رادیۆییەیل ئۆکراینا ک دانەرەگەی رووسیایی بوود و خاوەن پاسپۆرت ئەو وڵاتە بوود.