دۊکە هيچ کەشتییگ رەد نەۊ.. پەککەفتن جموجویل قەیران هورمز قۊلترەو کەێد
شەفەق نیوز- وەدۊاچگن
داتایەیل وەدۊاچگن کەشتییەیل دەرچگ لە کۆمپانیای کپلەر، ئمڕوو دوشەممە، خەوەر دان لە خاوەوبۊنیگ لە جۊلەی دەریاچۊنی لە گەروو هورمز، و ئاماژە دان کە پەنج کەشتی بارهەڵگر ئەرا کاڵا بنەڕەتییەیل رووژ شەممە لە گەرووەگە رەد بۊنە، وە بی توومارکردن رەدبۊن هیچ کەشتییگ دۊکە یەکشەممە، وە وەراورد وە 31 کەشتی لە سەرەتای هەفتەی گوزەشتە.
ئی خاوەوبۊنە دۊای ئەو پەلامارەیلە تیەێد کە تانکەرەیل نەفت کردنە ئامانج، هاوەخت وەگەرد پەککەفتن دانوسەنینەیل لەناوەین ویلایەتە یەکگرتگەیل و ئیران کە ئامانج لەلیان چارەسەرکردن ململانێیەگەس لە خوەرهەڵات ناوەڕاس.
عەباس عەراقچی وەزیر دەیشت ئیرانی لە دیمانەیگ وەگەرد میدیایەیل ناوخۆیی شەممەی گوزەشتە وت، کە بایەسە لەبان واشنتۆن مەرجەیل ئیران لەباوەت گەرووەگە جیوەجی بکەێد تا جۊلەی بارهەڵگری دەریایی دەسوەپی بکەێدەو.
هەرلیوا وەزارەت دەیشت ئیرانی، راگەیان کە تاران وەگەرد سوڵتاننشین عومان رەسیەسە رێککەفتنیگ لەباوەت نەخشەی جۊلەی دەریاچۊنی لە گەرووی هورمز، و وەپای قسەکەر وەزارەتەگە، ئسماعیل بەقائی، "دانوسەنینەیل لەناوەین تاران و مەسقەت وە گامەیل قایم و ئەرێنی وەڕیەو چن"، و تەقەلایەیل لە واشنتن ئەرا پەکخستنی وەسفی کرد.
پەنجیەک بارەیل نەفت خام و گاز سروشتی شلەوکریاگ لە جەهان وەرجە جەنگەگە لەڕی گەرووەگەو رەد بۊ.
