دڕۆنەیل (وەرخودان عراقی) بیزار سوپای ئیسرائیل کەن لە جۆلان

شەفەق نیوز/ سایت ئیسرائیلی "واللا" وت؛ سەربازەیلیگ لە لیوای (210) لە جۆلان، وە زبری رەخنە لە رەفتار سوپای ئیسرائیل گرن، و کەموکوڵی ریکارەیل ئاسایش لەلایەن سوپا وەرانوەر هەڕەشەی درۆنەیل باڵەیل عراقی.

سایتەگە لە زوان سەربازەیل لە جۆلان وت؛ گشت شەویگ لە هەفتەی گوزەشتە هوشداری لە چەک ئاسمانی تیەێد تا بکەفیمنە ئامادەباشی.

 وتنیش؛ ئەرا وەخت فرەیگ کلیان وەرەو ناو پەناگەیل کریەێد، و فەرمان ئامادەباشی دەن، چوینکە توانای نواگیریکردن هەڕەشەیل نزمە، ئەراوە وتنە شەوانە خەو نەیریمن، و تا شەوەکی دەسەوکار بویمن شەکەت بویمن.

هەرلیوا، یەکیگ لە سەربازەیل وت: بەشیگ لە سەربازەیل رخیان چوود شەوانە بچنە حەمام، نەگ لەمەوقەی سناوکردن فیکەی هوشداری بکوتێد، وتیش: گشت شەویگ سەربازەیل لەو ناوچە کەفنە ئامادەباشی چوینکە وەڵامدان نییە.

لە رووژ جمعەی گوزەشتە، سوپای ئیسرائیل کوشتن دوو سەرباز و زەخمداری ٢٤ ترەک راگەیان، ئەوەیش لە ئەنجام پەلاماریگ وە درۆن عراقی، وەبان سەربازگەیگ ئیسرائیلی لە جۆلان.