دۆلار 204 هەزار تومان رەدکەێد و ئاستیگ نوو توومار کەێد لە ئیران
شەفەق نیوز ـ بەغدا / تەهران
شەفەق نیوز ـ بەغدا / تاران
نرخ دۆلاری ئەمریکی، ئمڕوو سێشەممە، ئاستیگ نوو توومارکرد لە ئیران رەسیە بان 204 هەزار تومان، لە وەختیگ سەبیکەی تەڵای نوو بەرزەوبوی وە 214 ملیۆن تومان، لەناوەین وەردەوامبوین کەمەوبوین نرخ ریال و زیایبوین نائارامی سیاسی و ئابووری.
لە بازاڕی ئازاد ئیران، نرخی فروشتن یۆرۆ نزیکەی 238 هەزار و 700 تومان بوی، لە وەختیگ پاوەند بەریتانیا رەسیە 279 هەزار و 50 تومان.
هەمیش نرخ یەک گرام تەڵای عەیار 18 وە رێژەی 0.36% بەرزەوبوی و رەسیە نزیکەی 21 ملیۆن و 354 هەزار تومان، لە وەختیگ نرخی یەک مسقاڵ تەڵا رەسیە وە 92 ملیۆن و 500 هەزار تومان.
بەرزەوبوین دۆلار لە بازاڕ هاوتا وەرد نرخەیل جیهانی، هووکار سەرەکی بەرزەوبوین نرخ تەڵا و پویلەیل وەنرخ لە ناو ئیرانە؛ چوینکە داتایل نیشان دەن سەبیکەی تەڵای «ئیمامی» لە مامەڵەیل ئمڕوو وە نزیکەی 2.4% بەرزەوبوی.
نرخ دۆلار لە سەرەتای هەفتەی گوزەشتە نزیکەی 186 هەزار و 500 تومان بوی، ئەوەش واتە دۆلار لە ماوەی کەمتر لە هەفتەیگ زیاتر لە 7% بەرزەوبوی.
