دەسە و وەیلکان (مناڵەیل کوشیای).. خوەینشاندان لە نیویۆرک وەداوای کۆتاییهاوردن جەنگ غەزە
2023-12-29T12:27:29+00:00
شەفەق نیوز/ سەدان خوەینشاندەرەیل سیاپووش کە وەیلکان مناڵەیل کوشیای هەڵگردنە، لەناو دەسەی پرسەی هێمایی لە شار نیویۆرک ئەمریکی، وەداوای ئاگربەسی و کۆتاییهاوردن وە گورز ئیسرائیلی ویرانکەر لە غەزە.
لەبان دەنگ دهوڵەیل، دەسەی خوەینشاندەرەیل وەبیدەنگ کەفتنە شوین تابلۆەیلیگ لەبانیان نویسیایە ( ئاگربەسی هەر ئیرنگە) تا رەسنە مەیدان تایمز سکوێر لە مانهاتن، کە شاشەی راگەیانن گەپ هاناوی، و گەشتیارەیل فرەیگ دیرێد، و هەمیش وینەی ئەو مناڵەیل فەلەستینی هەڵگردنە کە لە غەزە کوشیانە.
لە وەخت دەسکردن وە گورزەیل ئیسرائیل لەبان کەرت غەزە، لەپشت ئەو پەلامارە وەلایەن بزووتنەوەی حەماس لە ٧ ئوکتۆبەر، نیویۆرک ڕیتم جویلەی پشتگیریکردن فەلەستین و ئیسرائیل وەخوەی دوینێد.
