دەسگیرکردن ژەنیڕاڵیگ لە سوپای پاسداران ئەرا ئیسرائیل کار کەێد
شەفەق نیوز/ دەسەڵاتەیل ئیرانی ژەنیڕاڵیگ لە سوپای پاسداران دەسگیر کردن، ک گومان لە سیخوڕیی ئەرا ئیسرائیل هەس، وەگورەی رووژنامەی "نیویۆرک تایمز" لە زوان کابرایگ پەیوەندی قایمیگ وەرد وەرپرسەیل گەورەیگ لە سوپای پاسداران دیرێد.
رووژنامەگە لە راپۆرتیگ وت: لیوا عەلی ناسری ک وەشیوەیگ نیهێنی لە مانگ حوزەیران دەسگیر کریا، فەرماندەی گەورەیگ بوی لە یەکەی مقەیەتیکردن زانیاریەل لە سوپای پاسداران، و سەرپەرشتی کار ئەو یەکە کردیاد.
راپۆرتەگە وتیش: دەسگیرکردن ناسری دویای دوو مانگ لە دەسگیرکردن دەیان لە فەرمانبەرەیل بەرنامەی گەشەکردن مووشەکەیل وەزارەت وەرگری هات، لە گومان وە دەرکردن زانیاریەل سەربازی ئەرا ئیسرائیل وەگورەی وەرپرسەیل ئیرانی.
عەلی ئەبتەحی جیگر سەرۆک وەرین ئیران ئەرا نیویۆرک تایمز وت: لاوردن حەسەن تەیب سەرۆک دەزگای هەواڵگری، لە هەفتەی گوزەشتە، داندانیگە لەلایەن ئیران ک نواگردن هەڕەشەی ئیسرائیل فەرماندەیی نوویگ خوازێد و ستڕاتیژی وپڕۆتوکۆل نوویگ دانریەێد.
ئەبتەحی وتیش: پێشێلکاریەیل ئەمنی چیە ناو ئیران و ئەو ئاست فراوانە لە ئۆپراسیۆنەیل ئیسرائیل وەڕاسی دەرەقەت وەهیزترین دامەزراو هەواڵگریمان هات، وتیش: هەمیشە هاز ئاسایشمان سەنگ بنەڕەتی کۆمار ئیسلامی بوی، و لە پارەکە زەرەد وەپی رەسیە.
