دەسگیرکردن مامووستایگ ئاینی لە میسر وەتوومەت دەسدرویژی سێکسی وەبان دویەتە خوەنەوارەیل
شەفەق نیوز/ دەزگایل ئەمنی لە وڵات میسر، دەسگیرکردن مامووستایگ زوان عەرەبی و پەروەردەی ئاینی راگەیانن، دەسدرویژی سێکسی وەبان دویەتە خوەنەوارەیل کردگە لەناو مەکتەویگ سەرتایی لە ناوچەی عومرانیە لە پارێزگای جیزە.
چیرووکەگە ئاشکرا بوی هەناێ داڵگ یەکیگ لەو دویەتەیلە زانستیە کە رەفتار دویەتەی جویر خوەی نەمەنیە، کە زیان لە دروینی بەدیگ داشتیە، دویای ئەوەگ کەفتیەسە ژیر رەفتار بەدیگ لەناو پۆل خوەنەواری.
دویەتەگە کە تەمەنی لە ١٢ ساڵان زیاتر نییە، ئەرا داڵگی وتیە کە مامووستای پەروەدەی ئاینی رەفتارەیل بەدیگ وەگەردی کردیە.
دویەمەگە هەڵپڕکیاس و رخی چجا کە وەپی نەکریاس باس ئەو کردەوەیلە بکەێد، تا کەمکەم داڵگەگە لەلی فامست.
داڵگ دویەتەگە سکاڵای فەرمی لە بەش پولیس ناوچەگە توومار کرد، هەرچەن ئاسان نەویە ئی باسەیلە لەلای مەردم ئاشکرا بکەێد، وەلێ ویرەدار بویە، تا مقیەتی دویەت خوەی و دویەتەیل مەردم لە دەسدرویژی بکەێد.
دەزگایل ئەمنی، داوای مامووستا کردن، و لەناو لێکۆڵینەوە ئاشکرای تاوانەیلی و کردەوەیلی وەرد دویەتەیل کرد، و دریا دەس لایەنەیل پەیوەندیدار.
