دەسگیرکردن سێ دۊت دۊای ڤیدیۆی "سەمای قەورسان" لە ئیران

شەفەق نیوز/ سێ دۊت لە ئیران دەسگیر کریان، دۊای بڵاوبۊن ڤیدۆیگ لەبان سۆشیال میدیا، ک سەماکردنیان لەناو قەورسانیگ لە نیشابور نشان دەێد.   

محمد حوسەینی بانگەشەکار گشتی وەگورەی خەورەیل ئاژانس "تەسنیم" وت: دۊای بڵاوبۊن پارچە ڤیدیۆی سەماکردن ئەو سێ دۊەتە لەناو قەورسان شەهیدەیل لە نیشابور لە پارێزگای خوراسان، فەرمان دەسگیرکردنیان دریا.  

وتیش: ئەو خیزانەیلە دڵگران بۊنە لە رەفتار ئەو سێ دۊتە، وەبی ئاشکراکردن رەگەزنامە و تەمەنیان.   

حوسەینی وتیش: ئەو دۊتەیلە پەشیمانی خوەیان نشان دان و داوای وەخشین کردن چۊنکە ئی کارە کردنە.    

یاسای ئیسە لە ئیران، دۊای شۆڕش ١٩٧٩، قەیەغەی سەماکردن ئاشکرا کەێد، باوجی نەگ لەناوبەین کەسەیلیگ لە خود رەگەز.