دەسگیرکردن ٨ دویەت لە کەنەدا وەتاوان کوشتن «هەڕەمەکی» لەبان ئەنتەرنێت
وەگورەی تووڕ "سی بی سی" قوربانیەگە لەناوڕاس شار تۆێینتۆ وە زەخمداری پەیا کریا، وەرجەیەگ گیانی لەدەسبەێد.
رەقیب تیری براون لە پولیس تورێنتۆ وت: توومەتبارەیل سێ دویەتەلە تەمەن ١٣ ساڵان و سێ دویەت ناخاڵە لە تەمەن چواردە ساڵان و دوو دویەت لە تەمەن شانزە ساڵان بوینە.
دیاری کرد ک ئەو دویەتەیلە لەبان سۆشیال میدیا یەک ناسینە، و هانە ناوچەیلیگ جیاجیا.
براون وتیش: ئەو دویەتەیلە دەسیان لەناو رویداویگتر لە وەختیگ گوزەشتە لە خود شەو ئی تاوانە بویە، وتیش: پولیس دەسنابان چەکەیلیگ لەلای ئەو دویەتەیلە.
پولیس هوشداری لە پەلامارەیل بڕە کەسەیلیگ دا ک نزیک قوربانیەگە بوون تا دزی لەلیان بکەن یا دەسدرویژی لەبانیان بکەن، و وەشیوەیگ هەڕەمەکی نێچیریان هەڵوەژن.
براون وتیش: قوربانیەگە لە دویادویای پایبزەو لە شوینیگ چەودیاری بویە، وەلێ نیەویشم سەرگەردان بویە، هاتێ لەی دویاییە لەوەر بەدبەختی بی ماوا بویە.
ژنیگ ک لە خود شوین قوربانیەگە بویە وت: وەگەرد قوربانیەگە دانیشتوێد جگارە کیشاگە هەنای دویەتەیل هاتنە نزیکی.
دیاری کرد ک پیاوەگە هاتیە دەسمیەتیی بەێد، و خوەی رخی چگە و لەو شوینە وایە، هەناێ دویەتەیل دەس لە پیاوەگە وەشاننە.
