دەسگیرکردن دویەت رەفسەنجانی وە توومەت گاڵداین مەردم ئەرا ناڕەزایی ئیران

شەفەق نیوز/ ئاژانس "تەسنیم" لە زوان سەرچەوەیگ ئاگادار، خەوەردا لە دەسگیرکردن فائزە هاشمی دویەت سەرۆک ئیرانی وەرین عەلی ئەکبەر هاشمی رەفسەنجانی لەلایەن دەزگایل ئەمنی، وە توومەت گاڵداین لەبان کارەیل ئاژاوە.

تەسنیم وت: هەرچەن ناڕەزاییەیل لەناو جادەیل ناوچەیل ئیرانی کەمەو بوین، باوجی هیمان میدیایل راگەیانن بیگانە و راگەیانن ئۆپۆزسیۆن تەقەلا دەن نشان ئەوە بیەن ک هیمان کەشوهەوای وڵاتەگە بڵویزە دەێد، ئەوەیش وە چالاکی وپۆستەیلێگ لە سۆشیال میدیا، ئەراوە پشت وە چەن کەسایەتییگ ناودیار بەسن تا رەوشەگە وە نائارام بمینێد.

ئاژانسەگە وتیش: فائزە هاشمی خاوەن کارەیلیگ ئیجویرەس و وەرجەیە دەسگیر کریایە لەبان بەشداریکردنی لە ناڕەزایی.