دەسگیرکردن چەکداریگ لە دەروگەرد بینای کۆنگرێس ئەمریکا

شەفەق نیوز/ پۆلیس ئەمریکا، شەو چوارشەممە لەبان پەنجشەممە، راگەیان پیاویگ خەڵک ولایەت جۆرجیا وەشیوەی نایاسای لە دەوروگەرد بینای کۆنگرێس ئەمریکی (کابیتول) لە واشن وسیاوێد.

پۆلیس ئەمریکا وت، پیاوەگە وت، تواستیە بەڵگەنامە رادەس دادگای باڵا بکەێد  ک ها لە شان بینای کابتول، لەدویای ئەوەگ سێ دەوانچە لەناو ماشینەگەی پەیاکریا دەسگیری کردنە، وەپای ئاژانس"رۆتێرز"

پۆلیس کۆنگرێس لە بەیانیگ وت، تونی باین 80 ساڵان ک خەڵک تانیل هێل وڵات  جۆرجیاس وە توومەت چەک هاوردن ئەرا  کابتوول دەسگیرکریاس.

پۆلیس دوو سەرنشینیش وسان باوجی دەسگیریان نەکرد.

ئەفسەرەیل پۆلیس کونگرێس ماشین چەرمگیگ ک وە شیوەی نایاساییی لە نزیک بینای دادگای باڵا وسیاوێد توومارکردن لە دەوروگەرد ساعەت 3:45شەو وە وەخت ناوخوەیی خوەیان، هەنای لە سێ سەرنشینەگەی نزیکەوبوینە وتنەس ئەرا رادەسکردن بەڵگەنامەیل ئەرا دادگا هاتنە.

باین وە ئەفسەرەیل وتیە ک چەک درێد لەناو بارهەڵگرەگەی، دەسکردنەس وە وشکنین دوو دەوانچە و تفەنگ لویلە و قوتی پەیاکردنە.

وتیش ساڵانە دەیان کەس وە توومەت چەک هاوردن ئەرا ناو کۆنگریس دەسگیرکریەن.