دەسگیرکردن کابرایگ لە بولگاریا ئاگر دارستانەیل دەێد

شەفەق نيوز/ دەسەڵاتەیل بولگاریا، پیاییگ دەسگیر کردن، لەبان سزانن دارستانەیل لەناوەین گەورەترین دوو گەڕەک نیشتەجییوین لە شار فيليكو ترنوفو، بوزلودجا و تشولاكوفتسي.

لە کامیرایل چەودیاریکردن دیار دەێد کە دوو پیاو وەشەو ریکەن، و یەکیگیان خوازێد گژوگیای هشک بزنێد، تا ئاگریگ نادەو.

پولیس  وەزوی ئەو کابرا ناسی، کە دەرکەفت میژوویگ تاوانی دیرێد، کە دوو گلە وە توومەت رەفتارەیل دوژمنایەتی وەرد مەردم و هەڵگردن هووشبەری سزا دریاس.

 ئەو ئاگرە کە شەوەکی لە نزیک ماڵەیل هیز گرد، هەڕەشەی دانیشتگەیل دا، و وەشیوەی رخباریگ نزیکەو بویە لە مەکتەوەیل، کە عیسا نزیکەی 100 ئەندام وەرگری شارستانی بکەفنە ئامادەباشی.

وەدرویژایی شەوەگە تەقەلای کپەوکردن ئاگرەگە وەردەوام بوی، و تا ئی رووژەگەی ترەک تیمەیل لە ئامادەباشی بوین، نەگ دووارە بڵویزەی ئاگر بوود.