دەسڵاتدارەیل مالیزیا دویای 10 ساڵ دوارە مینەی ئەو فرۆکە کەن کە وە 239 سەرنشین بیسەروشوین بوی

شەفەق نیوز/ دوارە هیوایگ ئەرا پەیاکردن فرۆکە مالزیەگە پەیابویە کە لە ساڵ 2014 لە وەخت فڕین دیار نەما.

رووژنامەی دەیلی مەیل بەریتانی باس لەوەکەێد، فرۆکەگە بەشیگ بوی لە گەشت MH370 کڕ ئاسمانی مالیزی، وە 239 سەرنشینەو گەشتکرد لە کوالامپورەوە وەرەو پەکین  کە وەبان دەریای باشوور چین فڕێدلە هەلومەرجیگ پڕ نهێنی و ئەلاجوی دیاری نەما و چارەنویسی وە نادیاری مەن.

ئانتۆنی لۆک، وەزیر گواستەنەوەی مالیزیا رووژ 5 ئێ مانگە باس لەوەکرد، وەرد کۆمپانیایگ هان لە پەیوەنی  تا لە ناوچەیل  خوەرئاوای ئۆسترالیا مینەبکەن کە ناوچەگە 15 هەزار کم چوارگووشەس.

 رێککەفتنەگەوەجویریگە ئەگەر فرۆکەگە پەیا نەکەن هویچ پویلیگ نیەدەێد و لە ئەگەر پەیاکردن فرۆکەگە گشت ئەرکە دارایەیل کەفێدە ئەستۆی کە هاتێ زیارتر بوود لە 70 ملیۆن دۆلار.