دیاریکردن مەوقەی هەڵوژاردن پاپای نوو

شەفەق نيوز/ ڤاتیکان، ئمڕوو دووشەممە، راگەیان کە کۆمەڵگەی بەسیاگ ئەرا هەڵوژاردن ریبەر نوویگ ئەرا کلیسای کاتولیک، ئەوەسا لە هەفت ئایار ئایندە دەسەوکارەو بوود، وە بەشملریک کاردیناڵەیل دەنگدەر لە جویراجویر شوینەیل جەهان.

 کاردیناڵەیل نمازیگ فەرمی لە بازيليك بوتڕوس لە شەوانی ئەو رووژە خوەنن، ئمجا لە کلیسای سيستينا دانیشتنەیل  بەسیاگ ئەرا دەنگدان ئەنجام دەن، کە شایەت تا چەن رووژیگ وەردەوام بوود، ئەرا هەڵوژاردن پاپای نوو، لە سوریا پاپای کووچکردگ کە لە 21 نیسان گیانی لەدەسدا.

 ئەو کاردیناڵەیلە کە تەمەنیان لە 80 ساڵ ئەوبان نییە بەشداری لە دەنگدان کەن، شمارەیان 135 كارديناڵە، لە وەختیگ ئمڕوو لە رۆما  پەنجەم گردەوبوین تا فەیخی وەڕیەو چگ، وە بەشداریکردن زیاتر لە 180 كارديناڵ، ئەرا باسکردن لە رەوشەیل کلیسا، و ئامادەکاری ئەرا هەڵوژاردن.

دیاریکردن مەوقەی گردەوبوینە بەسیایەگە دیارترین ئەو پرسەیلڵ بوی کە لە دیدارەیل ئامادەکاری لە دویای مردن پاپا باسیان کریا، لە وەختیگ دیەیل نووڕنە رۆما وەگەرد نزیکەوبوین مەوقەی دەنگدان ئەرا ئەو کەسە کە کلیسای کاتولیک وەڕیەو بەێد، کە نزیکەی 1.4 مليار باوەڕدار لە جەهان دیرێد.