دو فرۆکەی رووسی وە چەک ناوەکی لە ئاسمان ئەوروپا گەردن

شەفەق نیوز/ دو فڕۆکەی رووسی هەڵگر چەک ناوەکی وە ئاسمان ئەوروپا گەردین، بەشیگ لە میدیایەیل ئەوروپایش ئۊشن، کردەوەگە جۊر ڕخبردن بۊیە. 

تووڕ هەواڵی سوید ئاشکەرای کردیە، شەو چوارشەممە لەبان پەنجشەممە دو فڕۆکەی سوخۆ-24 سەربازی رووسیا هەڵگر چەک ناوکی، ئەرا ماوەی کەمیگ وە ئاسمان سوید فڕینە. 

ئاشکەرای کرد، ئەو کارە جۊر کردەوەیگ ئەرا ترسانن وەقەسی بۊیە.  تووڕ هەواڵی سوید راگەیان، ئەو دو فڕۆکە وەلایەن دو فرۆکەی تر سوخۆ 27 یاوەری کریانە و لە بنکەی ئاسمانی کالینینگراد باڵەوگردنە لە رووژ ٢ ئادارەو چەودێری ئاسمان سوید کەن. 

وەگورەی زانیارییەیل، لە کاردانەوەی سوید فڕۆکە جەنگییەیل خوەی هەڵسانیە و فڕۆکەوانە رووسیەیلە  تەقەلای نیشاندان چەک ناوکی بۊن.  هەر وەپای زانیارییەیل تووڕ هەواڵی سوید؛ سەرجەم فرۆکە رووسییەیلە چگنە دوورگەی باڵتیک.