دویای کوبا.. گەردەلویل "ئیان" کارەبای مەلیۆن ماڵ لە فلۆریدا بڕێد
2022-09-29T07:07:39+00:00
شەفەق نیوز/ گەردەلویل ئیان درە رخبەر رەسیە خوەرئاوای فلۆریدا، وەگەرد تونی واگە ک رەسێدە ٢٤٠ کیلومەتر/ ساعەت و واران فرە رفتیگ، ک کارەبا لە یەک مەلیۆن ماڵ بڕێد.
ناوەند ئەمریکی ئەرا گەردەلویل وت: ئیان لە کناراو کایۆ کۆست هاتە ناو زەوی ئەمریکا، وتیش ئی گەردەلویلە کەفێدە پلەی چوارەم.
ناوەندەگە هوشداری کرد ک ئی گەردەلویلە فرە رخبەرە، و شایەت لافاوەیلیگ کارەساتی دروس بکەێد.
وەرجە رووژیگ تووڕ کارەبا لە کوبا بڕیا، هەناێ گەردەلویل ئیان وەناوی رەد بوی، ک لافاوەیل و وای تونیگ دروس کرد.
