دویای ئەمریکا.. بەریتانیا خوازێد مووشەک "مارتليت" ئەرا ئۆکرانیا کل بکەێد

شەفەق نیوز/ حکومەت بەریتانیا، ئمڕوو جمعە، راگەیان ئەوەسا 650 مووشەک سووک "مارتليت" وەنێخ 213 مليۆن دۆلار ئەرا ئۆکرانیا کلکەێد.

بەریتانیا وت: خوازێد مقیەتی ئۆکرانیا لە دڕۆن و گورزەیل رووسیا بکەێد.

رووسیا لە هەفتەی گوزەشتە گەورەترین پەلامار ئاسمانی وەبان ئۆکرانیا جیوەجی کرد لە وەختیگەو ئۆپراسیۆن سەربازی لە ئۆکرانیا دەسوەپی کردگە لە سەرەتای ساڵ ٢٠٢٢، و فرەجار ئۆکرانیا داوای پاڵپشتیکردن ئاسمانی کرد ئەرا مقیەتیکردن خوەی.

 ئی راگەیانن کلکردن نووە ئەرا مووشەکەیل لە وەختیگ تیەێد کە وەزیر وەرگری بەریتانیا جۆن هیلی لەباوەت ئۆکرانیا لە گردەوبوین نزیکەی ٥٠ دەوڵەت ئەرا هاوپەیمانی ئۆکرانیا ئامادە بوی، لە سەربازگەیگ ئاسمانی ئەمریکی لە ئەڵمانیا.

وەزارەت وەرگیری بەریتانیا وت: لە رووشنایی پابەندبوین حکومەت نوو کە وەزوی دەسمیەتیەیل ئەرا ئۆکرانیا کلبکەێد، مەزەنە کریەێد ئمڕزو جمعە دەسوە کارکردن یەکەم بار بکریەێد.

 وەزارەت وەرگری بەریتانیا وتیش: ئەو مووشەکەیلە کە کۆمپانیای "تاليس"، دروسی کەێد تا زیاتر لە ٦ کیلۆمەتر چوود، و توەنێد لە هشکایی و لە دەریا و لە ئاسمانەوە بوەشییەێد.