دویای رووداو دوو قەتارەگە.. کوشتانەیل لە رمانن بینای ١٠ قاتییگ لە قاهیرە
2021-03-27T07:21:13+00:00
شەفەق نیوز/ دویای چەن ساعەتیگ لە کارەسات دوو قەتارەگە لە سۆهاج میسر، ئمڕوو شەممە، بینایگ نبشتەجیی لە ١٠ قات لە ناوچەی جسر سویس لە قاهیرە لە شان ویستگەی میتڕۆی عومەر بن خەتاب رمیا، و ٤٠ ماشین فریاکەفتن کەفتنە ری ئەرا هەڵگردن زەخمدارەیل وەرەو دوو خەسەخانە لە ناوچەگە.
رووداوەگە بویە هووکار مردن ٣ کەس و زەخمداربوین ٢٣ کەس تر، و هیمان مینەکردن وەردەوامە.
